Masood Siraj

Fankar kyun musloob hai
Uska hunar matoob hai

Be khabar ko bhi khabar hai shayad
Ek toofan udhar hai shayad

Manzil humein maloom hai
Rasta magar ma'adoom hai

Ma'araka ishq ka aasan nahi hota hai
Kaamyabi ka bhi imkaam nahi hota hai

Kaisa hai yeh sukoon, yeh kaisi hai be-basi
Kaano mein gonjti nahi aahat bhi ab koi

Safar to kat gaya, lutf-e-safar nahi aaya
Safar mein mod koi pur khatar nahi aaya

Kis raah se yeh jaane guzrne laga hoon main
Par chaaiyon se apni hi darne laga hoon main

Duniya ke saath saath tu chalna nahi hai ab
Aur haadson ki dhoop mein palna nahi hai ab

Gham-e-hayat se bachne ki ho koi tadeer
Dua-e-neem shabi mein nahi rahi taseer